Skátafélagið Klakkur býður upp á skátafundi fyrir hressa krakka 4 ára og eldri í fylgd með fullorðnum/forráðamanni. Frábært tækifæri til þess að kynnast skátastarfi í skipulagðri dagskrá sem eflir tengsl við náttúruna, samfélagið og fjölskylduna.
Dagskráin:
- 3. maí – Hamrar, póstaleikur, tálgun og útieldun
- 17. maí – Valhöll, útileikir og föndur
- 31. maí – gönguferð í Fálkafell, kakó, kex og skátasöngvar
- 7. júní – gönguferð í Gamla, náttúruskoðun
Krakkarnir leysa fjölbreytt verkefni undir styrkri leiðsögn skáta úr Klakki. Fundirnir hefjast kl. 13:00. Þátttökugjaldið er 4.500 kr., innifalið eru skátaeinkenni (klútur og merki) ásamt boði í félagsútilegu í júní. Foreldrar/forráðamenn geta keypt klúta hjá skátaforingja ef áhugi er fyrir hendi.Skráning fer fram í gegnum Abler, fyrirspurnum er svarað í gegnum skrifstofa@klakkur.is
Verið með í skátaævintýrinu!
